"Həkim dedi ki, Allah yolumuzu məscidə salmasın” - Axund

“Bu gün həkimə getmişdim, tanışlıq üçün dedim ki, mən də "Göy məscid"də xidmət edirəm. Həkim tez dilləndi ki, Allah bizim işimizi ora salmasın”.

Ölkə.Az xəbər verir ki, bunu Əjdər bəy məscidinin axundu İdris Rzayev deyib. O, insanların məscidlərə və din xadimlərinə yanlış münasibətindən gileylənib:

 “Çox maraqlıdır ki, hələ də bəzi təhsilli adamlar da məscidi ölü yuyulan yer, din xadimlərini isə ölü basdıran kimi başa düşürlər. Amma bunu fikirləşmək lazımdır ki, məscid həm də ibadət yeridir. Təzə ev alırsansa, orada çalış ilk dəfə Quran oxu, ya da oxutdur. Qoy, evin bərəkətli olsun. Təzə uşaq dünyaya gəlibsə, qulağına azan, iqamə oxu, ya da oxutdur. Dövlət nikahı (zaks) varsa, dini nikah oxutdur və s. Məscid, din xadimi həm də belə şeylər üçündür, təkcə ölü üçün yox.

Əlbəttə, sözüm bütün həkimlərə aid deyil və təkcə həkimlərə də aid deyil, ümumidir”.

Billurə