Hər şeyi dövlətdən gözləməyin, Bakıdan köçün - Bloger

"Hamı deyir ki, Bakı doyub, yüklənib, Bakıda insan çoxdur. Məsələn, frilanser, onlayn işləyənlər niyə Bakıda həyatını çürüdür? Niyə Gəncə, Lənkəran, Qəbələ, Şəki kimi iri şəhərlərə axın etmir ki?!" 

Ölkə.Az xəbər verir ki, bunu bloger Həvva Səfərova deyib. O hesab edir ki, işləyənlərin bir qismi Bakıdan köçsə, axın dayanacaq:

"Köçüb, yeni iş yerləri açılsa, Bakıya olan axın dayanacaq. Regionlarda biznes quranlar üçün əməlli güzəştlər belə var. 

Mən son 1 ildir bu haqda düşünürəm. Artıq köçəcəyim şəhərdə bizneslə bağlı ilkin addımlarımı belə atmışam. 

Başqa vaxt "Sovetdən çıxın" deyən adamların, sadəcə şikayətlənib, hər şeyi dövlətdən gözləməsi də sovet təfəkkürü deyil mi? 

Kapitalizmdə yaşayıb, Sovet təfəkküründə qalmaq yorucu deyilmi sizlər üçün?!

Bu arada, Buzovnada yaşayıram, Bakıdakı sıxlığı azaltmaq və rahat yaşamaq üçün köçmüşəm. Çünki, işimin 30%-i Bakıya gəlməklə bağlıdır".

Billurə