Rəfiqələri ona həsəd aparsın deyə, plastik əməliyyat etdirirlər - Psixiatr

"Hər gün bir xanımın plastik əməliyyat zamanı öldüyünü, ya da daha bir saxta plastik cərrahın ifşa olunduğunu oxuyuruq. Əslində, bunlar aysberqin görünən tərəfidir. Əsas məsələ odur ki, niyə xanımlarımız bu qədər komplekslidir,niyə həyati riskləri bilərək bu qədər palstik əməliyyat etdirirlər? Bu süni çirkinliyi bir-birinin "kopyası" olmağı necə özlərinə rəva bilirlər?"

Ölkə.Az xəbər verir ki, bu sözləri həkim psixiatr Mehdi Səlimli deyib. O bunun səbəbini belə izah edib:

"Bunun səbəbi isə həmin xanımların xoşbəxtliyi bir kişinin diqqətində, rəfiqələrinin ona həsəd aparmasında, ya da "ətrafından geri qalmamasında" axtarmasıdır. Əslində isə xoşbəxt qadın özgüvənli, maddi azadlığı olan və qarşı cins tərəfindən sadəcə cinsi obyekt kimi görülməyən qadındır. 

Kaş ki, bu incəliyi anlasalar. Bu azmış kimi, ətrafında olan xanımları da öz dayaz fikirləri ilə yoldan çıxarmağa çalışırlar.

Adama sual verərlər ki, sən özünü qəbul etmirsənsə, digər insanı necə həzm edirsən? Necə ərə gedirsən? O uşağı necə doğub əzizləyəcəksən? İyrənc cəmiyyət formalaşır", - deyə o əlavə edib.

Billurə