Azərbaycanda 17 milyon manata saray satılır - FOTO

Ölkə.Az-ın məlumatına görə, villanın həyəti 35.4 sot ərazini əhatə edir.

Tikilinin həyətində 4 maşınlıq qaraj, meyvə ağacları, şəlalə və hovuz var.

Qeyd olunub ki, villa 12 ballıq zəlzələyə davamlı olacaq şəkildə inşa olunub və tikintisi 4 il (2002-2006) davam edib. 

Klassik üslubda tikilmiş villa Tibilisi prospektində yerləşir. 

Evin tikintisində rusiyalı memarlar və dizynerlər işlədiyindən tikili rus üslubundadır. 

Villanın teraslarından biri 250 kv metr, mətbəx 200 kv.m ərazini əhatə edir. Saraya bənzər tikili balkon, teraslar və s. daxil olmadan, yalnız yaşayış olan hissəsi 1400 kv. m, ümumilikdə isə 2800 kv. m ərazini əhatə edir, isti döşəməlidir.

Bundan əlavə, sarayda 6 yataq otağı, iş otağı, zal, camaşırxana, 12 m uzunluğunda 1.60 metr dərinliyində isti hovuz, sauna, ayrıca qazanxana, ehtiyat su çənləri və s. var.

Billurə Yunus