Hakerlər ağıllı fenlərinizlə nələr edə bilərlər? - XƏBƏRDARLIQ
Ölkə.Az xəbər verir ki, bunu məlumat təhlükəsizliyi üzrə mütəxəssis Amalya Calalova danışıb.
O bildirib ki, hakerlər digər ağıllı məişət cihazlarında olduğu kimi ağıllı fenlər vasitəsilə də mobil cihazınıza icazəsiz giriş əldə edə bilər. Mütəxəssis belə halların qarşısını almaq üçün bəzi tövsiyələr də verib:
“Güvənilən markaların məhsullarını alın: İstehsalçının təhlükəsizlik və məxfilik siyasətlərini öncədən yoxlayın (məlumatları icazəsiz toplayıb 3-cü tərəflə paylaşılmaq məsələlərini araşdırın, proqram tətbiqinin təhlükəsizliyinə önəm verdiyinə diqqət edin).
Firmware-i (cihazın üstündəki tətbiq) mütəmadi yeniləyin.
Standart şifrələr yerinə mürəkkəb şifrələrdən istifadə edin.
Çoxmərhələli təsdiq etməni aktivləşdirin.
Təhlükəsizlik standartlarına cavab verən Firewall və VPN istifadə edin.
Wi-Fi şəbəkəsinin (routerinin) təhlükəsizliyini təmin edin.
Lazımsız funksiyaları deaktiv edin: İstifadə etmədiyiniz funksiyaları və xidmətləri söndürün. Bu, potensial haker hücumları üçün giriş nöqtələrini azaldır.
Ağıllı cihazın tətbiqin fəaliyyətini monitorinq edin.
Zərərli proqram və tətbiqlərin istifadəsindən çəkinin”, - deyə o əlavə edib.
Billurə Yunus
