Qara Qarayevin vaxtilə yaşadığı mənzilin satışa çıxarılması xəbərinə qızından MÜNASİBƏT - YENİLƏNİB
"Ölkə.az" xəbər verir ki, dahi bəstəkarın qızı Züleyxa Qarayeva açıqlama yayaraq bildirib ki, xəbərdə adıçəkilən mənzil Dahi bəstəkar, SSRİ Xalq artisti, Sosialist Əməyi Qəhrəmanı Qara Qarayevin yaşadığı ev kimi təqdim olunsa da, bu məlumat tam dəqiq deyil.
Məlumatı dəqiqləşdirmək məqsədilə bildiririk ki, həmin mənzil bəstəkara dövlət tərəfindən 1950-ci illərdə verilmiş və Qara Qarayev burada bir neçə il yaşamışdır. Daha sonra bəstəkar başqa ünvana köçmüş, sözügedən mənzildə isə illər ərzində bir neçə ailə məskunlaşmış və sonradan mənzil satılmışdır.
Hazırda Qara Qarayevin əsl yaşadığı və yaradıcılığının mühüm dövrünü keçirdiyi mənzil “Qara Qarayevin ev-muzeyi” kimi fəaliyyət göstərir və dövlət tərəfindən qorunur. Muzeydə bəstəkarın şəxsi əşyaları, sənədləri, musiqi arxivləri və dəyərli eksponatları saxlanılır.
Qara Qarayevin sonuncu mənzili Bakı şəhəri, Bülbül prospekti 21 ünvanında yerləşir. Həmin binada bəstəkarın baraleyfi quraşdırılmış, yaxınlıqda isə onun adını daşıyan park salınıb.
***
Vaxtilə dahi bəstəkar Qara Qarayevin yaşadığı mənzil satışa çıxıb.
"Ölkə.az" xəbər verir ki, oxu.az mənzilin qiyməti barədə məlumat almaq üçün alqı-satqı işini həyata keçirən vasitəçi ilə əlaqə saxlayıb.
O, mənzilin mülkiyyətçisi tərəfindən 750 000 manata satıldığını söyləyib.
Mənzil metronun "İçərişəhər" stansiyası yaxınlığında, arxitektur binada yerləşir.
Vasitəçi mənzildə vaxtilə dahi bəstəkarın yaşadığını qeyd edib.
Mənzilin görüntüsünü təqdim edirik:
