Ramiz Mehdiyevin villası içəridən çəkildi - VİDEO
Ölkə.Az xəbər verir ki, tanınmış jurnalist Etibar Hüseynov "Protest TV" əməkdaşları ilə birlikdə Ramiz Mehdiyevə məxsus olduğu bildirilən Şabran şəhərində yerləşən villanın yerləşdiyi əraziyə gedib.
E.Hüseynov və bərabərindəkilər "makler" adı ilə içəridə çəkiliş aparmağa nail olublar.
Jurnalist süjetdən anons paylaşaraq geniş videonun tezliklə yayımlanacağını bildirib.
Xatırladaq ki, oktyabrın 14-də Bakı şəhəri Səbail Rayon Məhkəməsi Ramiz Mehdiyev barədə cinayət işi üzrə qərar qəbul edib.
Məhkəmə xüsusilə ağır cinayət əməllərinə görə cinayət məsuliyyətinə cəlb edilmiş R.Mehdiyev barədə verilmiş vəsatəti təmin edərək 4 ay müddətinə ev dustaqlığı qətimkan tədbiri seçib.
O, Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
