Heydər Əliyev Gəncədə İmamzadənin dağıdılmasının qarşısını necə alıb? –Şeyxülislamın xatirələri

Qafqaz müsəlmanlarının XII Şeyxülislamı və Qafqaz Müsəlmanları İdarəsinin sədri Allahşükür Paşazadə ümumilli lider Heydər Əliyevin Gəncədə İmamzadənin dağıdılmasının qarşısını necə alması barədə xatirələrini bölüşüb.

Ölkə.Az xəbər verir ki, bu barədə Şeyxülislamın səhifəsində məlumat paylaşılıb:

"Allahşükür Paşazadə həzrətlərinin açıqladığı maraqlı tarix Azərbaycan müsəlmanlarının etiqad məkanlarından birini ateist prinsipləri üstə bərqərar olan SSRİ-nin sərt caynağından necə xilas etməsi ilə bağlı olmuşdu.
Əhvalat belə olub: 1980-ci illərin əvvələrində Gəncədən bir neçə kommunist İmamzadənin sökülməsi üçün Moskvaya –Siyasi Büroya məktub yazııblar. Səbəb kimi göstəriblər ki, nə qədər İmamzadə Gəncədədir, burada ideoloji işi effektiv təşkil etmək olmur, kommunizm prinsiplərinin təbliğatı maneə ilə üzləşir".

Allahşükür Paşazadənin dediyinə görə, Moskvada bu məktuba müsbət yanaşıblar:

"Siyasi Büro Gəncədəki müqəddəs məkanın dağıdılması barədə qərar çıxarmışdı. Qərardan ciddi narahatlıq keçirən gənc Şeyxülislam çıxış yolu axtramağa başlayır. O, nəyin bahasına olursa-olsun problemin Azərbaycan Kommunist Patiyasının Birinci katibi Heydər Əliyevə çatdırmağı qərara alır. Çətinliklə məsələ ilə bağlı H.Əliyevin həyat yoldaşı, mərhum Zərifə Əliyevanı məlumatlandırır. Heydər Əliyev məsələdən hali olur.  “Heydər Əliyevin bu qərardan xəbəri olmamışdı. Zərifə xanım ona deyəndən sonra İmamzadənin dağıdılmasının qarşısını aldı”, - deyə Şeyx xatırlayıb.