Yəməndə sel fəlakəti
Yəməndə sel daşqınları 18 nəfərin ölümünə səbəb olub.
"Ölkə.Az" xəbər verir ki, leysan yağışları Yəmənin cənub əyaləti Laxcın Əl-Mukatara rayonunda təbii fəlakətə səbəb olub.
Hökumət nümayəndələrinin "Saba" agentliyinə verdiyi xəbərə əsasən 18 nəfər həlak olub. Onlardan 10 nəfərin meyiti xilasetmə əməliyyatları çərçivəsində aşkar edilib. 8 nəfərin axtarışları hələ də davam edir.
Gecə saatlarında sel onlarla nəqliyyat vasitəsi və avtomobili yuyaraq aparıb.
Yəməndə yağışlar mövsümü iyuldan sentyabra qədər davam edir. Bir qayda olaraq yağışlar insan tələfatı və dağıntılara yol açır.
Hikmət Həsənov
Ölkə.Az
