Meral Akşenerin partiyasında Bozqurd işarəsi qadağan ediləcək?
Türkiyəli siyasətçi Meral Akşener "MHP" (Milliyətci Hərəkat Partiyası)-dən ayrılaraq yeni partiya qurur.
"Ölkə.Az" xəbər verir ki, MHP-dən ayrılan digər üzvlər də "Mərkəzi Demokrat Partiyası" adı altında birləşirlər. Bu yaxınlarda isə yeni partiyada Bozqurd işarəsinin qadağan ediləcəyi iddia edilmişdi.
Qaziantəp millət vəkili Ümit Özdağ isə Tvitter hesabında məsələyə açıqlama gətirib. Meral Akşenerin yeni partiyasında Bozqurd işarəsinin qadağan ediləcəyi, Alparslan Türkeşin də fotosunun asılmayacağı iddialarını yalanlayan millət vəkili deyib: "Bozqurd bir partiyanın yox, Türk millətinin tarix və mədəniyyətinin ayrılmaz bir parçasıdır. Qadağan edilə bilməz".
Hikmət Həsənov
Ölkə.Az
