Şimali Koreya qərb sahillərinə ballistik raket yığır
Koreya yarımadasında gərginlik artmaqda davam edir.
"Ölkə.Az" xəbər verir ki, Şimali Koreya hökuməti qərb sahillərinə qitələrarası ballistik raketə bənzəyən silah daşıyır. Bu barədə məlumatı Cənubi Koreya mətbuatı yayıb.
4 sentyabr tarixindən raketlərin daşınmasına başlanılıb. 3 sentyabr tarixində isə Şimali Koreya nüvə bombası sınaqdan keçirmişdi. Mənbənin xəbərinə əsasən raketlər gecə saatlarında daşınılır. Məqsəd izlənmədən yayınmaqdır.
Şimali Koreyanın qərb sahillərində raket buraxmaq üçün obyektlər var.
Cənubi Koreyanın müdafiə nazirliyi isə hazırda xəbəri təsdiqləyə bilməyəcəklərini açıqlayıb.
Hikmət Həsənov
Ölkə.Az
