Deyr-əz-Zordakı İŞİD mühasirəsi yarıldı
Suriya ordusu Deyr-əz-Zordakı İŞİD mühasirəsini yara bilib.
"Ölkə.Az" xəbər verir ki, bu barədə Suriya dövlət televiziyası məlumat verib. Rusiya isə Aralıq dənizindən atdığı raketlərlə Suriya ordusunu dəstəkləyir.
Rusiyanın atdığı "Kalibr" tipli raketlər komanda və əlaqə bölgələrini, sursat anbarlarını, hərbi texnika təmir mərkəzini və bir çox terrorçunu məhv edib. Rusiya müdafiə nazirliyinin açıqlamasına əsasən keçmiş SSRİ ölkələrindən gələn İŞİD terrorçuları hədəfə alınıb.
Deyr-əz-Zor vilayətinin valisi bildirib ki, ordu qısa müddət ərzində şəhərə daxil olacaq. Bəzi şəhər sakinləri isə artıq bir-birlərini təbrik edirlər.
İŞİD isə müqavimət göstərməyə davam edir. Terrorçular itirdikləri əraziləri geri almaq üçün bir neçə hücum təşkil etsələr də, uğur qazana bilməyiblər.
Hikmət Həsənov
Ölkə.Az
