Texasda sel qurbanlarının sayı 60-a çatdı
ABŞ-ın Texas ştatını dağıdan qasırğanın yaratdığı faciədə ölü sayı 60-a çatıb.
"Ölkə.Az" xəbər verir ki, sel sularına qapılanlar və kökündən qopan ağacın altında qalanlar faciənin qurbanlarıdır.
Bununla yanaşı qasırğa və selin təsirli olduğu ərazilərdə təcili yardım dəstələrinin bəzi xəstələrə tibbi müdaxilədə gecikdiyini, elektrik enerjisi kəsildiyi üçün oksigen balonlarının çalışmaması nəticəsində bəzi yaşlıların da həlak olduğu bildirilir.
Təbii fəlakət nəticəsində 100 minlərlə ev və avtomobil, körpü və yollar ziyana uğrayıb. On minlərlə yerli sakin müvəqqəti sığınacaqlara yerləşdirilib.
Hikmət Həsənov
Ölkə.Az
