Sarkisyan erməniləri satıb

Ermənistan parlamentinin Avrasiya İqtisadi Birliyinə qoşulmaq barədə qərarı ratifikasiya etməsi İrəvanda kütləvi nümayişlərlə müşaiyyət olunmaqdadır. 103 nəfərin lehinə, 7 nəfərin əleyhinə və bir nəfərin bitərəf qaldığı səsvermənin nəticəsini erməni müxalifəti xəyanət sayıb.

İrəvanda keçirilən mitinqdə çıxış edən "İrs" partiyasının sədr müavini Armen Martirosyan Sarkisyan hakimiyyətini Ermənistana xəyanət etməkdə ittiham etməklə yanaşı müxalifəti də buna seyrçi qalmaqda günahlandırıb: 

"Ermənistanın Avrasiya İqtisadi Birliyinə daxil olmasına səs verənlər nə qədər xəyanət ediblərsə, bizim də qeyri-legitim hakimiyyətə ölkəni Rusiyaya satmağa imkan verməyimiz də bir o qədər xəyanət sayılmalıdır. Buna görə, biz hamımız satqın sayılmalıyıq. Çünki Avrasiya İqtisadi Birliyinə daxil olmağımıza görə. hamımız məsuliyyət daşıyırıq". 

Onun sözlərinə görə, Ermənistanı məhv etməkdən xilas etmək üçün Sarkisyan hakimiyyəti devrilməlidir: "Bu vəziyyətdən çıxış yolu bütün müxalifət bir araya gəlib növbədənkənar parlament və prezident seçiilərinin keçirilməsinə nail olmalıdır. Biz hakimiyyəti dəyişə bilməsək, Ermənistanın maraqlarına uyğun xarici siyasət apara bilməyəcəyik". (anspress)

Ölkə.Az