Nobel mükafatçısı öz medalını satdı

Bütün məbləğ xeyriyyəyə sərf olunacaq.

Ölkə.Az "RİA Novosti"-ə istinadən xəbər verir ki, DNT quruluşunu ilk kəşf edənlərdən biri, tanınmış alım Ceyms Uotson 1962-ci ildə tibb və fiziologiya üzrə aldığı Nobel mükafatını xeyriyyə hərracında 4,1 milyon dollara satıb. Bununla 86 yaşlı Ceyms Uotson elm tarixində ilk dəfə Nobel mükafatını satmış şəxs kimi düşüb. Alim əminliklə vurğulayıb ki, bütün məbləğ xeyriyyəyə sərf olunacaq.

"Mən səbirsizliklə bu məbləğin Çikaqo universitetinin Cold Spring Harbor laboratoriyasına və Kemricin Clare College laboratoriyasına köçürüləcəyini gözləyirəm", - deyə alim bildirib.

Xatırladaq ki, Ceyms Uotson 1962-ci ildə Frensis Krik və Moris Ulkinsla birlikdə DNT molekulunun quruluşunu kəşf etdikləri üçün fiziologiya və tibb sahəsi üzrə Nobel mükafatı alıblar.

Rəşid Mustafazadə

Ölkə.Az