İŞİD hərbi aerodromu ələ keçirdi

Deyr-ez-Zorda 19 hərbçinin ölümü barədə məlumat yayılmışdı.

Ölkə.Az "Al-Arabia" telekanalına istinadən xəbər verir ki, İŞİD döyüşçüləri Suriyada hərbi aerodromu ələ keçiriblər.

Telekanalın Suriyanın İnsan hüquqları üzrə observatoriyasına istinadən verdiyi məlumata görə, terrorçular gərgin döyüşlər zamanı Bəşər Əsəd rejiminin mühüm aviabazasını ələ keçirə biliblər. Deyr-ez-Zorda yerləşən hökumətin hərbi-hava qüvvələrinin bazası islamçıların nəzarəti altındadır.

Bir müddət əvvəl Suriyanın observatoriyası Deyr-ez-Zorda 19 hərbçinin ölümü barədə məlumat yaymışdı. Ötən gecə kamikadzenin avtomobili partlatması nəticəsində hökumət əsgərləri həlak olmuşdu.

Özünü partladan terroçu İŞİD döyüşçülərinin aviabazaya atəş açmasından dərhal sonra qurğunu işə salmışdı. Həmin hücum nəticəsində baza ələ keçirildi.

Rəşid Mustafazadə

Ölkə.Az