Stalin haqqında bütün fikirləri alt-üst edəcək kitab nəşr olunub

Stalin əslində kim olub?

Ölkə.Az ABŞ mətbuatına istinadən xəbər verir ki, ABŞ-da Stalinin sensasion bioqrafiyası nəşr olunub. Dünyanın ən iri və tanınmış nəşriyyatlarındən biri olan, Penguin Random House SSRİ lideri İosif Stalinin bioqrafiyasını nəşr edib. Səs-küyə səbəb olmuş kitabın müəllifi Stiven Kotkindir.

Nəşriyyatın saytında qeyd olunub ki, Stalinin kasıb çəkməçinin oğlu olması haqqında olan bütün stereotipləri dağıdacaq. Bioqrafiyanın müəllifi Stalini hiyləgər, despotik sosiopat və tələsik qərarlar verən şəxs kimi təsvir edir.

On illik araşdırmanın əsasını SSRİ-nin daxili və xarici kəşfiyyat orqanları və DTK-nın arxiv sənədləri təşkil edib. Kotkin, bir çoxlarından fərqli olaraq, Stalinin hərəkətlərinin onun bəzi psixoloji xüsusiyyətlərilə əlaqələndirilməsinin əleyhinədir. Müəllifin fikrincə, liderin paranoyası siyasi kontekstlə şərtləndirilirdi və Çar Rusiyasının imperialist mirası olmasaydı, inkişaf etməzdi.

Qeyd olunur ki, Stalinin hakimiyyəti diktator rejiminin qurulması, insan hüquq və azadlıqlarının kobud şəkildə pozulması, hərbi cinayətlər və insanlıq əleyhinə cinayətlər, kütləvi repressiyalar sisteminin yaradılması və "Qulaq", ukrayna xalqının soyqırıma məruz qalması, kütləvi deportasiyaların həyata keçirilməsi və digər problemlərlə müşaiyyət edilib.

Rəşid Mustafazadə

Ölkə.Az