ABŞ İrana qarşı sanksiyaların götürülməsi rejimini daha 3 ay uzadıb

“Ölkə.Az” xəbər verir ki, bu barədə ABŞ dövlət departamentinin rəsmi nümayəndəsi Hezer Nauert jurnalistlərə bildirib. Onun sözlərinə görə, administrasiya qərarların qəbul edilməsində müəyyən çeviklik saxlamaq üçün sanksiyaların götürülməsi rejimini qəbul edib.

“Dövlət departamenti İrana qarşı sanksiyaların götürülməsi rejimini daha 3 ay uzadıb. Bu qərarın qəbulu məsəl əbarədə daha rahat düşünməyə əsas verəcək”, – deyə Hezer Nauert bildirib.

Qeyd edək ki, 2015-ci ilin iyulun 14-də təqribən 12 il sürən danışıqlardan sonra, nəhayət, İran ilə ABŞ, Rusiya, Böyük Britaniya, Çin, Fransa, Almaniya və Aİ arasında Vyanada İranın nüvə proqramı üzrə Uzunmüddətli Birgə Fəaliyyət Planı imzalandı. Bu saziş qlobal güclərin maraqlarının toqquşduğu mühüm bir məsələ ilə bağlı tarixi nailiyyət kimi dəyərləndirilir.

Ziya Səccad
Ölkə.Az