İraq parlamenti referendumla bağlı qərar verdi
İraq parlamenti Şimali İraq Kürd Muxtariyyatının müstəqillik barədə referendum keçirməsi barədə razılıq verib.
“Ölkə.Az” xəbər verir ki, İraq parlamenti bu barədə sentyabrın 15-də keçirdiyi iclasda qərar verib. Verilən məlumata görə, artıq referendumla bağlı İraq parlamenti tərəfindən heç bir problem yaranmayacaq.
Referendum sentyabrın 25-də keçiriləcək. Proses İraq dilində yayımlanan “Rudaw” kanalı ilə birbaşa efirə yayımlanacaq.
Qeyd edək ki, bir müddət əvvəl Bərzaninin müşaviri Məhəmməd Hacı referendumun avqust ayına planlaşdırıldığını bildirmişdi. Lakin sonradan referendumun sentyabrın 25-nə təxirə salındığı vurğulandı.
Xatırladaq ki, referendum məsələsinə başda rəsmi Bağdad olmaqla, Türkiyə, İran və ABŞ kimi dövlətlər də mənfi yanaşır.
Ziya Səccad
Ölkə.Az