İraqın Ali Məhkəməsi: "Müstəqillik referendumu dayandırılsın"
İraq parlamenti bir neçə gün əvvəl Şimali İraq Kürd Muxtariyyatının referendum qərarına etiraz edən qərar qəbul etmişdi.
"Ölkə.Az" xəbər verir ki, bu dəfə İraqın Ali Məhkəməsi də referendum qərarının ləğv edilməsi barədə qərar qəbul edib. Tələb isə baş nazir İbadidən gəlib.
İraqdakı federal məhkəmə Şimali İraq Kürd Muxtariyyatının 25 sentyabra planlaşdırdığı referendumu ləğv etmək qərarına gəlib. Məhkəmənin mətbuat katibi İyas Samuk yazılı açıqlama verərək deyib: "Məhkəmə üzvlərin iştirakı ilə toplaşaraq Kürdistan bölgəsi və digər bölgələrdə referendumun dayandırılması üçün göndərilən tələbləri incələyib. İncələmələrdən sonra məhkəmə referendumun dayandırılması barədə qərar qəbul edib".
Hikmət Həsənov
Ölkə.Az
