Bolqarıstan "Cənub axını" layihəsinin bərpa olunmasını istəyir

Bolqarıstan 750 milyon dollardan məhrum edilə bilər.

Ölkə.Az TASS agentliyinə istinadən xəbər verdiyinə görə, Bolqarıstanın baş naziri Boyko Borisov bəyan edib ki, Bolqarıstan "Cənub axını" layihəsinin reallaşdırılmasına israr edəcək.

"Mən öz mövqeyim üzərində dayanaraq deyirəm ki, "Cənub axını" layihəsi ölkəyə xeyirli olduğu üçün Bolqarıstan ərazisindən keçməlidir. Bu səbəbdən "Cənub axını" layihəsinin Avropa qanunlarına riayyət etməklə, tikintisinin davam etdirilməsi üzərində israr etmək məqsədilə biz sabah baş nazirin müavini Tomislav Donçev və energetika naziri Temenujka Petrovu Brüsselə göndərəcəyik", - deyə Bolqarıstan hökumətindən bildirilib.

Xatırladaq ki, bir müddət əvvəl Bolqarıstanın energetika naziri Rumen Ovçarov bildirmişdi ki, Bolqarıstan "Cənub axını" layihəsindən imtina etdiyinə görə 750 milyon dollardan məhrum edilə bilər.

Rəşid Mustafazadə

Ölkə.Az