Ermənistan İsraili "erməni soyqırımını" tanımağa çağırdı

Nazir Türkiyənin gec-tez "erməni soyqırımını" tanıyacağına əminliyini ifadə edib.

Ölkə.Az "Новости-Армения" agentliyinə istinadən xəbər verir ki, Ermənistanın diaspora naziri Qranuş Akopyan İsrail knessetini 1915-ci il "erməni soyqırımını" tanımağa çağırıb. Akopyan bu bəyanatı Ermənistanın Milli Yığıncağında Avropanın yəhudi parlamentinin "Soyqırımsız dünya" adlı parlament dinləməsində çıxış edrkən verib.

"Biz həqiqətin tanınmasını tələb edirik. Qoy tarix heç vaxt və heç yerdə təkrarlanmasın. Biz susmayacağıq. Mən knesseti bu cür müzakirələri təşkil etməyə çağırıram. İstərdim ki, "erməni soyqırımını" tanıyan dövlətlərin sayı artsın, çünki siz "soyqırım" sözünün mənasını çox gözəl bilirsiniz",- deyə qadın nazır bildirib.

Nazir Türkiyənin gec-tez "erməni soyqırımını" tanıyacağını əminliyini ifadə edib. Onun fikrincə, demokaratiya dalğası artıq Türkiyəyə də çatıb. Avropada yəhudi parlamentinin həmsədri Vadim Rabinoviş qeyd edib ki, yəhudilər soyqırımın nə olduğunu bilirlər.

"Biz müxtəlif yollarla Ermənistanı Türkiyə ilə münasibətlərin qurulmasında dəstəkləyəcəyik", - deyə Rabinoviç vurğulayıb.

Rəşid Mustafazadə

Ölkə.Az