Rusiya və Ermənistan bu sahədə də əməkdaşlıq edəcək

Əməkdaşlıq çərçivəsində müxtəlif tədbirlər keçiriləcək.

Ölkə.Az "RİA Novosti" agentliyinə istinadən xəbər verir ki, Rusiya və Ermənistan 2015-ci ildə mədəniyyət sahəsində əməkdaşlıq barədə razılıq əldə ediblər.
Müvafiq müqaviləni hər iki ölkənin mədəniyət nazirləri Vladimir Medinskiy və Asmik Poqosyan imzalayıblar.

Müqavilə ilə bağlı açıqlama verən Rusiyanın mədəniyyət naziri Vladimir Medinskiy bildirib ki, Rusiya və Ermənistan arasında təkcə iqtisadi sahədə yox, həm də mədəni sahədə də uğurlu münasibətlər qurulur.

"Bu gün Rusiya və Ermənistan arasında təkcə iqtisadi sahədə yox, həm də mədəni sahədə də uğurlu münasibətlər qurulur və inkişaf edir. Ümid edirəm ki, gələn il bu əlaqələr daha aktiv şəkildə davam etdiriləcək", - deyə, Medinskiy qeyd edib.

Əməkdaşlıq çərçivəsində Moskvada Erməni kino günləri, Yerevanda isə Milliyyətlər teatrı və Vaxtanqov adına teatrın qastrol səfərləri baş tutacaq.

Rəşid Mustafazadə

Ölkə.Az