Fransa yəhudilərə təzminat ödəyəcək

Fransa II Dünya müharibəsində SNCF dəmiryolu operatorunun daşıdığı soyqırım qurbanları və onların törəmələri üçün 60 milyon dollar kompensasiya ödəməlidir. Nasist ölüm düşərgəsinə aparılan əcnəbilərə kompensasiya vermək üçün fond yaradılacaq. Bu barədə “France İnternationale” radiosu xəbər verib.

SNCF operatorunun ABŞ-dakı tender müqaviləsinə etiraz olaraq aksiyalar keçirilib. Nəticədə dekabrın 5-də Vaşinqton və Paris razılığa gəliblər. Dekabrın 8-də sənəd imzalanacaq. Fransa hökuməti əksəriyyəti ABŞ vətəndaşı olan şəxslərə kompensasiya ödəyəcək. Fonda Amerika hökumət orqanları nəzarət edəcəklər. Sağ qalan qurbanlara 100 min dollar, onların həyat yoldaşları və törəmələrinə isə bir neçə on min dollar kompensasiya veriləcək.

Fransanın insan hüquqları üzrə səfiri Patrisianna Sparasino-Tillay deyib ki, bütün müraciətlər qeydiyyata alındıqdan sonra kompensasiya ödənəcək şəxslərin siyahısı hazırlanacaq. SNCF operatoru 76 min yəhudini ölüm düşərgəsinə aparmaqla deportasiyanı həyata keçirməsə də, bunda iştirak edib. Ona görə də bu pulu Fransa hökuməti ödəməlidir.

Yəhudi vətəndaşlarının hüquqları üzrə “ABŞ Böhtan Əleyhdarları” liqasından Abraham Foxman bildirib ki, bu müqavilə qurbanların ağrısının az da olsa yüngülləşməsi və onların dərdinə şərik olunması deməkdir.

Xatırladaq ki, 1946-cı ildə Fransa qurbanları üçün kompensasiya nəzərdə tutulmuşdu. Buna baxmayaraq, 1939-cu ildə müharibə başlayandan sonra Fransaya gələnlər və immiqrasiya edənlər heç nə almadılar.
Müqavilənin qüvvəyə minməsi üçün Fransa parlamenti 1948-də qəbul etdiyi qanuna düzəliş etməlidir. (anspress)

Ölkə.AZ