NATO və Pentaqon rəhbərləri Kabula səfər etdilər
NATO və Pentaqonun rəhbərləri Əfqanıstanın Kabul şəhərinə səfər ediblər.
"Ölkə.Az" xəbər verir ki, ABŞ-ın müdafiə naziri Ceyms Mettis və NATO-nun baş katibi Yens Stoltenberqin səfəri qeyri-rəsmidir. Bu barədə "CNN" telekanalı məlumat yayıb.
Məlumata əsasən, bu səfər Donald Trampın Vaşinqtonun yeni strategiyasını elan etdikdən sonra Pentaqon rəhbərinin Əfqanıstana ilk səfəridir.
Avqust ayında Donald Tramp bəyan etdi ki, Əfqanıstandakı amerikan hərbi kontingenti 14 min hərbçiyə qədər artırılacaq. 31 avqust tarixində Ceyms Mettis əlavə qoşunların Əfqanıstana göndərilməsi haqqında sərəncam imzalayıb.
Hikmət Həsənov
Ölkə.Az
