ABŞ-dan İŞİD açıqlaması
“Ölkə.Az” xəbər verir ki, bu barədə ABŞ-ın başçılıq etdiyi koalisiyasının nümayəndəsi Rayan Dillon jurnalistlərə açıqlamasında bildirib. Onun sözlərinə görə, hazırda Suriyanın Rakka şəhərində döyüş gedir.
“Hazırda Rakka şəhərində şiddətli döyüşlər gedir. Orada təxminən 800 silahlı var. Onların da əksəriyyəti xaricilərdir. Onlar çox yaxşı döyüş təlimi keçiblər.”, - deyə R. Dillon bildirib.
Pentaqon nümayəndəsi bildirib ki, beynəlxalq koalisiya qüvvələri İŞİD terrorçularını məhv etmək üçün xüsusi əməliyyat hazırlayıb. Bu əməliyyat eyni anda bütün istiqamətlərdə keçiriləcək: “Hazırda çox mühüm döyüş əməliyyatı hazırlanır. Bu əməliyyat İŞİD terrorçularının sonu ola bilər. Hələlik əməliyyat barədə ətraflı danışmaq istəmirik. Bir də, Suriyanın dəqiq hansı vaxta İŞİD terrorçularından təmizlənəcəyini də demək tezdir”.
Qeyd edək ki, koalisiya qüvvələri 2014-cü ilin avqustundan Suriyada İŞİD terror təşkilatına qarşı əməliyyatlara başlayıb.
Ziya Səccad
Ölkə.Az
