Ərdoğanla Putin arasında təkbətək görüş başa çatıb

“Ölkə.Az” xəbər verir ki, iki ölkə rəhbəri arasında keçirilən danışıqlar 1,5 saat davam edib. Rusiya mətbuatından verilən məlumata görə, görüşün yekunlarına dair mətbuata açıqlama veriləcək.

İlkin açıqlamada xəbər verilib ki, görüş zamanı Suriyadakı vəziyyət, İraqın kürd muxtariyyətində müstəqillik referendumu, ikitərəfli münasibətlər müzakirə edilib.

Rusiya tərəfini danışıqlarda XİN rəhbəri Sergey Lavrov, prezidentin mətbuat katibi Dmitri Peskov, prezidentin köməkçisi Yuri Uşakov, energetika naziri Aleksandr Novak, Baş Qərargah rəisi Valeri Gerasimov, kənd təsərrüfatı nazirinin müavini Yevgeni Qromıko, prezidentin Suriya nizamlanması üzrə xüsusi nümayəndəsi Aleksandr Lavrentyev, “Qazprom”un rəhbəri Aleksey Miller, “Rosatom”un rəhbəri Aleksey Lixaçov, və Rusiyanın Ankaradakı səfiri Aleksandr Yerxov təmsil edir.
 
Türkiyə nümayəndə heyətinin tərkibində Baş Qərargah rəisi Hülusi Akar, baş nazirin müavini Mehmet Şimşek, XİN rəhbəri Mövlud Çavuşoğlu, energetika və təbii sərvətlər naziri Berat Albayrak, iqtisadiyyat naziri Nihat Zeybekçi, Türkiyənin Moskvadakı səfiri Hüseyn Diriöz, MIT (Milli Kəşfiyyat İdarəsi) rəhbəri Hakan Fidan, müdafiə nazirinin müavini İsmayıl Dəmir, prezidentin baş müşaviri Sadık Arslan, Prezident Administrasiyası rəhbərinin müavini İbrahim Kalın yer alıblar.

Ziya Səccad
Ölkə.Az