Bu meyvə xərçəngin qarşısını alır

Kivinin xərçəngin qarşısını alması iddia olunub.

Ölkə.Az Rusiya mətbuatına istinadən xəbər verir ki, Tayvan Ali Tibb Məktəbinin apardığı tədqiqatların nəticəsində məlum olub ki, kivi bağırsağın fəaliyyətini yaxşılaşdırır və həzm prosesini asanlaşdırır. Alimlərin fikrincə, mədə problemlərindən şikayət edənlər 4 həftə kividən istifadə etdikdə bu problemi 45% azalda bilərlər.

Digər tədqiqat mərkəzlərindən biri, Bristol Universitetinin apardığı təcrübələr nəticəsində aydın olub ki, liflə zəngin olan kivinin "kolon" xərçənginin qarşısını ala bilir. Belə ki, həmin liflər tərəfindən ötürülən turşu xərçəngə səbəb olan genlərin aktivləşməsinin qarşısını alır.

Tədqiqatçılar kivini meyvələr içərisində insan orqanizmi üçün ən xeyirli mevələrdən biri hesab edirlər.

Rəşid Mustafazadə

Ölkə.Az