Dünyada ilk video oyunları yaradan şəxs öldü

İlk video oyunların yaradıcısı dünyasını dəyişdi

Ölkə.Az "itc.ua" saytına istinadən xəbər verir ki, ABŞ -da 92 yaşlı Ralf Bayer dünyasını dəyişib. Alman mühacir dünyada ilk video oyunu ixtira etməklə məhşurlaşmışdı.

60-cı illərdə o, video oyun qurğusunu təkbaşına hazırlayaraq, adını "Brown Box" qoymuşdu. Bayer 1972 -ci ildə "Magnavox Odyssey" adını alıb və 28 oyun yaratmışdı. Onların arasında tennisin və basketbolun idman simulyatorları da yer almışdı. Ümumillikdə isə təxminən 150 müxtəlif patent ona məxsusdur.

Qeyd edək ki, 2006-cə ildə Ralf Bayeri texnologiyalar və innovasiyalar sahəsində ABŞ-ın Milli medalı ilə mükafatlandırmışdılar. 2008-ci ildə isə "Game Developers Choice Awards" müsabiqəsində ona "Pioneer Award" mükafatı verilmişdi. İki il sonra o, İnnovatorların şöhrətinin Milli zalında yer almışdı.

Çinarə Vahabzadə

Ölkə.Az