Türkiyə Aİ və Rusiya ilə münasibətləri inkişaf etdirəcək

Ankara həm Rusiya, həm Avropa İttifaqı ilə münasibətləri inkişaf etdirmək fikrindədir.

Ölkə.Az Aif.ru saytına istinadən xəbər verdiyinə görə, Türkiyənin baş nazir müavinin Yalçın Akdoğan bəyan edib ki, Türkiyəyə təzyiq etməyə qadir dövlət yoxdur.

"Türkiyəyə təzyiq etməyə qadir dövlət yoxdur. Avropa İttifaqı ilə olan münasibətlərimiz könüllülük əsasında inkişaf edir və qarşılıqlı maraqların nəzərə alınması ilə qurulur. Lakin Avropa İttifaqı bizim yeganə prioritetimiz deyil. Türkiyənin türk dünyası və Rusiya ilə sıx münasibətləri mövcuddur", - deyə Akdoğan qeyd edib.

Nazir müavini qeyd edib ki, avropa diplomatiyasının başçısı Federik Moqerini ilə görüşdə heç bir təzyiq göstərilməmişdi.

Xatırladaq ki, bir müddət əvvəl Türkiyənin energetika və təbii sərvətlər naziri Taner Yıldız bəyan etmişdi ki, Türkiyə Rusiya ya Avropa İttifaqı seçim qarşısında qalmayıb.

Rəşid Mustafazadə

Ölkə.Az