Tereza Mey Las-Veqas terroruna görə Trampa zəng vurdu

“Ölkə.Az” xəbər verir ki, bu barədə Ağ Evdən məlumat verilib. Verilən xəbərə görə, Mey baş vermiş terror aktına görə çox məyus olduğunu deyib və yaralılara şəfa diləyib.

“Bu gün İngiltərənin baş naziri Tereza Mey ABŞ-ın prezidenti Donald Trampa zəng vurub. Mey Las-Veqas şəhərində baş verən terror aktına görə təəssüfləndiyini bildirib. Hadisə zamanı ölənlərin ailələrinə və Amerika xalqına başsağlığı verib”, - deyə məlumatda bildirilib.

Qeyd edək ki, sentyabrın 2-də ABŞ-ın Las Veqas şəhərində silah səsləri eşidilib. “Mandalay Bay” hotel-kazino kompleksi yaxınlığında musiqi festivalında atışma baş verib. Hotelin 32-ci mərtəbəsindən festival iştirakçıları atəşə tutulub. Hadisə nəticəsində 58 nəfər ölüb, 500-dən çox insan yaralanıb. Hadisəni törədən şəxs polis tərəfindən tutulacağını görüb özünü öldürüb. Onun 64 yaşlı yerli sakin Stiven Paddok olduğu müəyyənləşib. Bu vaxt onun yanında bir qadının olduğu ehtimal edilir. Polis hazırda qadını axtarır.

Ziya Səccad
Ölkə.Az