Matç zamanı futbolçunu ildırım vurdu

İdmançının vəziyyəti ağırdır.

Perunun “Sport Akuilla” klubunun futbolçusu ildırım zərbəsindən zərər çəkib.

Ölkə.Az oxu.Az-a istinadən xəbər verir ki, bu barədə dekabrın 9-da Liberi nəşri yazıb.

İnsident Peru kuboku çərçivəsində “Fuerza Minera”ya qarşı keçirilən matçda baş verib. İkinci hissənin əvvəlində yağış yağmağa başlayıb, sonra isə ildırım çaxıb. Qəflətən ildırım meydançada oynayan futbolçu Joao Kontrerasanı vurub.

Oyun dayandırılıb, zərərçəkən futbolçu isə xəstəxanaya aparılıb.

Onun vəziyyəti ağırdır. Həkimlər futbolçuda üçüncü dərəcəli yanıq xəsarətləri aşkarlayıblar.

Ölkə.Az