İraq ordusu Kərkükün bir şəhərini İŞİD-çilərdən tam təmizlədi
İraq ordusu Kərkükün Havica şəhərinə hücum edib.
“Ölkə.Az” xəbər verir ki, bu barədə dövlət televiziyası məlumat yayıb. Verilən məlumata görə, ordu rəhbərliyi şəhərin İŞİD terrorçularından tam azad olunduğunu bəyan edib. Məlumatda İraq ordusunun Havicə şəhərinə mərkəzdən daxil olduğu qeyd edilib.
Bildirilib ki, şəhərin azad olunması üçün əməliyyat 2 həftə əvvəl başlamışdı. General-leytenant Abdul Əmir Yarallı əməliyyatın başa çatması ilə bəyanat yayıb. Məlumata görə, əməliyyat çərçivəsində ordu 98 kəndi İŞİD-dən təmizləyib, Tiqrit-Kərkük magistralı üzərinə nəzarəti bərpa edib və iki aeroportu silahlılardan azad edib. Əməliyyatda 200-ə yaxın silahlının öldürüldüyü xəbər verilir.
Qeyd edək ki, Havica şəhəri İŞİD-in İraqda Mosuldan sonra əsas qərargahı hesab edilirdi.
Ziya Səccad
Ölkə.Az
