Ramzan Kadırovun Basayevlə birgə fotosu yayıldı

Çeçenistan prezidenti Ramazan Kadırovun bir zamanlar Rusiyaya qarşı vuruşmuş çeçen səhra komandiri Şamil Basayevle çəkilmiş fotoları sosial şəbəkələrdə yayılıb.

Birinci çeçen müharibəsində Kadırovun atası Əhməd Kadırov Şamil Basayevlə birgə mübarizə aparıb. Lakin sonradan Əhməd Kadırov Rusiya ilə anlaşmaya gedib. Daha sonralar onun oğlu Ramzan Kadırov Rusiya tərəfindən Çeçenistana öncə baş nazir, daha sonra isə prezident təyin olunub.

Prezident təyin olunduqdan sonra, Rusiya dövlət başçısı Vladimir Putinin təbliğçisinə çevrilən Kadırovun adı insan oğurluğunda və bir sıra cinayətlərdə hallanır. Qərb mətbuatı bu haqda dəfələrlə araşdırma yazıları yazılıb.

Ramazan Kadırov bir çıxışında deyib: "Putin mənim idealımdır. Onu sevirəm. Ona hörmət edirəm. Onun üçün canımı verərəm".

Kasıb bir ailənin uşağı ikən bir anda bu qədər zənginləşən və ad günü şənliklərinə dünya şöhrətli Hollivud ulduzlarını böyük miqdarda vəsaitlər hesabına gətirdən Kadırov dünya mediası tərəfindən və insan haqları fəallıqları tərəfindən mütəmadi olaraq tənqid olunur./Avropa.info/