Kemeron: "ABŞ təsir gücünü itirə bilər"

"Bu cür üsullar ABŞ-ın mənəvi cəhətdən hakimiyyətini itirməsinə gətirib çıxara bilər"

Ölkə.Az-ın "RİA Novosti" agentliyinə istinadən verdiyinə xəbər görə, Böyük Britaniyanın baş naziri Devid Kemeron jurnalistlərin suallarını cavablandırarkən bildirib ki, ABŞ hökuməti təsir gücünü itirə bilər.

Britaniyalı casusların işgəncələrdə iştirak edib-etmədikləri barədə suala cavab verən Kemeron bəyan edib ki, bu cür üsullardan istifadə edən ABŞ dünyada öz təsir gücünü itirmək təhlükəsi ilə üzləşə bilər. Kemeronun sözlərinə görə, işgəncələr həmişə düzgün olmayıb və bu cür üsullar ABŞ-ın mənəvi cəhətdən hakimiyyətini itirməsinə gətirib çıxara bilər.

Xatırladaq ki, bir müddət əvvəl ABŞ hökuməti bütün dünyada səfirliklərdə təhlükəsizlik tədbirlərinin gücləndirilməsi haqqında qərar qəbul etmişdi.

Rəşid Mustafazadə

Ölkə.Az