Medvedev ABŞ-ı dostluğu pozmaqda ittiham edib

"Amerikalılar nə edir?"

Ölkə.Az "Россия 1" telekanalına istinadən xəbər verir ki, Rusiyanın hökumət başçısı Dmitriy Medvedev müsahibəsində ABŞ administrasiyasının davranışlarını qeyri-adekvat və gözlənilməz adlandırıb.

Baş nazir Obama ilə münasibətləri normal, hətta yaxşı adlandıraraq qeyd edib ki, mürəkkəb qarşılıqlı münasibətləri yalnız şəxsi əlaqələr hesabına həll etmək olmaz.

"Amerikalılar nə edir? Onlar bizə qarşı sanksiyalar tətbiq edirlər və bizim ölkəyə qarşı qeyri-dostluq cəbhəsi qurmağa cəhd edirlər. Axı bunu dostluq hərəkətləri kimi qiymətləndirmək olmaz. Onlar münasibətlərin normal yoluna qayıtmaq istəsə, başqa yolu seçsə, biz buna birmənalı olaraq hazır olarıq", - deyə Medvedev qeyd edib.

Baş nazir əlavə edib ki, Rusiya heç kəsə müharibə elan etməyib və başqaları münaqişə yaratmağa çalışırlar.

Rəşid Mustafazadə

Ölkə.Az