142 ildən sonra bir ilk

Amerika Birləşmiş Ştatları 1872-ci ildən bəri əlində saxladığı "dünyanın ən böyük iqtisadiyyatı" ünvanını Çinə təhvil verib.

Beynəlxalq Valyuta Fondunun (BVF) son məlumatlarına görə, bu il üçün Çinin satın alma gücü 17,6 trilyon dollara yüksəlib. Bu göstərici ilə Çin ABŞ-ın 17,4 trilyon dollarlıq satın alma səviyyəsini qabaqlayıb. BVF-nin təxminlərinə görə, 2015-ci ildə iki ölkə arasındakı fərq 1 trilyon dollara çatacaq.

BVF-nun rəhbəri Kristina Lagard Çin iqtisadiyyatının sabitliyi və gələcəyini qiymətləndirmək üçün yalnız bir göstəricinin əsas götürülməyəcəyini açıqlayıb. Digər tərəfdən ABŞ 17 trilyon dollara yaxınlaşan xarici ticarət həcminə görə, dünyada liderliyini davam etdirir. Çin isə 10 trilyon dollarlıq göstərici ilə ABŞ-dan açıq-aşkar geridədir.

Qeyd edək ki, satın alma gücü cütü ölkələr arasındakı qiymət səviyyəsi fərqliliklərini aradan qaldıraraq fərqli pul vahidlərinin satın alma güclərini bərabərləyən bir dəyişmə nisbətini ifadə edir. (anspress)

Ölkə.Az