Suriyada daha bir jurnalist öldürüldü
Suriyada daha bir jurnalist həlak olub.
Əl Cəzirə telekanalının müxbiri Məhran əl Deeri Suriyada ordu qüvvələri ilə üsyançılar arasında gedən döyüşlər haqda reportaj hazırlayarkən həlak olub.
"Məhran əl Deeri bir ildir ki, Əl Cəzirə telekanalında işləyirdi. Peşəkarlığı ilə seçilirdi", deyə telekanalın rəsmi internet səhifəsində deyilir.
Deeri ölərkən öz avtomobilində olub. Onun yaxınlarının sözlərinə görə, o, gülləborandan gizlənmək üçün avtomobildə oturmuşdu.
Qeyd edək ki, 3 gün əvvəl burada Dubayın "Orient" telekanalının 3 əməkdaşı da ölmüşdü.
20011-ci ildən bu yana Suriyada 70 jurnalist həlak olub, 80-i isə qaçırılıb. BMT-nin açıqlamasına görə, Suriyada münaqişə başlayandan bu günə qədər 200 mindən artıq insan ölüb. (anspress)
Ölkə.Az
