Kataloniya prezidenti Puçemont maaş da almayacaq
İspaniya hökuməti Konstitusiyanın 155-ci maddəsini Senata göndərib.
"Ölkə.Az" xəbər verir ki, əgər qanun təsdiqlənsə, Kataloniya Muxtar Hökumətinin prezidenti Karls Puçemont maaş ala bilməyəcək. Bu barədə məlumatı baş nazirin müavini Soraya Saenz de Santamaria verib.
De Santamaria bildirib ki, bölgənin müstəqilliyini ləğv edən 155-ci maddənin təsdiqlənməsi Kataloniya liderinin bütün səlahiyyətlərini itirməsi ilə nəticələnəcək. Bundan başqa Madrid regiona müvəqqəti bir idarəçi də təyin edəcək.
Kataloniyada muxtariyyətin ləğvi və 6 ay ərzində yerli seçkilərin keçirilməsi barədə qərar cümə günü Senatda müzakirə ediləcək.
Hikmət Həsənov
Ölkə.Az
