Avropa İttifaqı Gürcüstana maliyyə ayıracaq

Avropa İttifaqı Gürcüstana 46 milyon avro ayıracaq.

Ölkə.Az Gürcüstan Xarici işlər nazirliyinin mətbuat xidmətinə istinad edərək xəbər verir ki, Avropa İttifaqı 2015-ci ildə makroiqtisadi stabilliyin qorunması üçün Gürcüstana 46 milyon avro maliyyə ayıracaq.

Məbləğin birinci hissəsi qrant, ikincisi isə kredit şəklində ölkəyə veriləcək. Müvafiq memorandum Avropa İttifaqının iqtisadiyyat və maliyyə üzrə komissarı Pyer Moskovisi tərəfindən imzalanıb.

"Biz Gürcüstanın Avropa İttifaqına inteqrasiyası prosesində makroiqtisadi stabilliyini qoruma cəhdini, həmçinin, iqtisadi artıma hesablanmış islahatların keçirilməsini dəstəkləyirik", - deyə Moskovisi bəyanatında qeyd edib.

Rəşid Mustafazadə

Ölkə.Az