Ərəb müğənninin geyimi dini qalmaqala səbəb oldu

Ərəb dünyasında daha bir qalmaqal.

Ölkə.Az The Daily Star nəşrinə istinad edərək xəbər verir ki, tanınmış ərəb müğənnisi Maya Diabın Star Academy musiqi yarışmasında geyindiyi paltar əhali arasında söz-söhbətlərin yayılmasına səbəb olub.

Livan əsilli Diab yarışmaya şəffaf hicabda və qısa ətəkdə çıxıb. Onun bu geyimi bir çoxları tərəfindən islama qarşı təhqir kimi qəbul olunub. Sosial şəbəkə istifadəçiləri müğənnini kəskin şəkildə tənqid edərək, geyiminin islami dəyərlərə zidd olduğunu bildiriblər.

Xatırladaq ki, bu islam dünyasının şou-biznes sahəsində ilk belə hal deyil. Belə ki, noyabrın sonunda Livanlı diva Hayfa Vəhbə eyniadlı müsabiqədə çıxış edərkən geydiyi dekolteli geyimlə diqqət çəkmişdi. Hayfanın belə bir geyimdə səhnəyə çıxması, nəinki ölkəsində, hətta əcnəbi maqazin saytlarının da sərlövhələrini bəzəmişdi.

Ölkə.Az