Daha bir Avropa ölkəsi Fələstini tanıdı

Sosialist partiyası da lehinə səs verib.

Ölkə.Az "World News Report" informasiya agentliyinə istinadən xəbər verir ki, Fransa və İrlandiyanın ardından Portuqaliya parlamenti Fələstin dövlətinin birtərəfli şəkildə tanınması haqqında qərar qəbul edib.

Parlament tərəfindən qəbul edilən qətnamə Portuqaliya hökumətinə rəsmi şəkildə Fələstin dövlətini tanımağı tövsiyə edir. Sözügedən qətnamənin lehinə həm müxalif, həm də koalisiya yönümlü partiyalar, ən əsası isə Sosialist partiyası da səs verib.

Qətnamədə deyilir ki, parlament hökumətə Avropa İttifaqı ilə koordinasiyada Fələstini suveren dövlət kimi tanımağı tövsiyə edir.

Rəşid Mustafazadə

Ölkə.Az