Meksikada futbol oyununda futbolçunu güllələdilər
Meksikada futbol oyununda silahlı insident baş verib.
"Ölkə.Az" xəbər verir ki, silahlı şəxslər futbolçulara atəş açıblar. İnsident Çilpansinqo şəhərində həvəskarlardan ibarət komandaların yarışında baş verib.
Meksika mətbuatının xəbərinə əsasən, 4 nəfər silahlı hücumçu olub. Atəş nəticəsində 3 nəfər xəsarət alıb. Onlardan ikisi dünyasını dəyişib. Hadisənin səbəbi və şübhəli şəxslər barədə məlumat yoxdur.
Çilpansinqo şəhəri Gerrero ştatında yerləşir. Bu ştat Meksikanın ən təhlükəli şəhəridir. Yanvar ayından sentyabr ayına qədər ştat ərazisində mindən çox qətl hadisəsi törədilib.
Hikmət Həsənov
Ölkə.Az
