ABŞ Rusiyanı boykot etməyə çağırdı

Rusiya ilə Hindistanın əməkdaşlığı ABŞ-ı narahat etməyə başlayıb.

Ölkə.Az Reuters agentliyinə istinadən xəbər verir ki, rəsmi Vaşınqton Rusiya və Hindistan arasında bir sıra müqavilələrin imzalanmasına reaksiya verib. Belə ki, rəsmi Vaşinqton bütün dünya ölkələrini Rusiya ilə hər hansı sövdələşmə etməməyə çağırıb.

Dövlət Departamentinin nümayəndəsi Cen Psaki qeyd edib ki, Birləşmiş Ştatlar Moskva və Yeni Dehli arasına bağıanan müqavilələrdən son dərəcədə narazıdır.

"Əlbəttə, biz Rusiya və Hindistan arasında iş müqavilələrin imzalanması haqqında xəbərləri gördük. Lakin biz bütün ölkələri Rusiya ilə adi üsulla iş görməməyə çağırmaqda davam edirik", - deyə Psaki vurğulayıb.

Xatırladaq ki, bu günlərdə Rusiya Federasiyasının prezidenti Vladimir Putin Hindistana səfər etmişdi. Bu səfər çərçivəsində iki ölkə arasında 16 sənəd imzalanmışdı.

Rəşid Mustafazadə

Ölkə.Az