Siyəzəndə “QAZel” aşdı
Bu gün günorta saatlarında Siyəzən rayonu ərazisində yol-nəqliyyat hadisəsi baş verib.
Qəza Bakı-Quba-Rusiya Federasiyası dövlət sərhəddi yolunun 95-ci km-də, Siyəzən rayonu ərazisində qeydə alınıb.
Bakı şəhəri Səbail rayon sakini 1959-cu il təvəllüdlü Abdullayev Kamil Kazım oğlunun idarə etdiyi “QAZel” markalı yük maşını yoldan çıxaraq aşıb.
Qəza nəticəsində sürücü müxtəlif dərəcəli bədən xəsarətləri alıb. Siyəzən Regional Diaqnostika Mərkəzinə yerləşdirilən K. Abdullayev ilkin tibbi yardımdan sonra evə buraxılıb.
Faktla bağlı araşdırma aparılır. (APA)
Ölkə.Az
