İŞİD qadın əsirlərlə bu cür davranmağı öyrədir

İŞİD əsir qadınlarla bağlı təlimat broşürlarını nəşr etdirib.

Ölkə.Az ABŞ-ın müstəqil "Yaxın Şərq jurnalistikasının araşdırılması" QHT-sinin yaydığı məlumata istinadən xəbər verir ki, İŞİD terror təşkilatının Araşdırma və Fətvalar Şöbəsi qadın əsirlərlə bağlı təlimatı özündə əks etdirən broşüralar buraxıb. Söhbət əsir düşən qeyri-müsəlman qadınlarından gedir.

Sual-cavab formasında hazırlanan broşür təqribən bir ay əvvək nəşr olunub. Broşürda qeyd olunur ki, qeyri-müsəlman əsir qadınlar və hətta həddi-buluğa çatmayan qızlarla cinsi əlaqəyə girmək, onları döymək və satmaq caizdir. Lakin əsiri üz nayihəsindən vurmaq yolverilməz hesab olunur. Bundan əlavə, digər şəxslərə məxsus əsirlərin hər hansı şəkildə istifadə olunması və ana ilə övladı bir-birindən ayırmaq qadağandır.

Təlimata əsasən, əsirlər digər qadınlar kimi tamamilə örtülü olmalıdırlar. Əsir qadının qaçması ciddi günah sayılır və buna görə "sahib" qaçan şəxsi cəzalandırmalıdır. Bu cəzanın növü isə broşürdə qeyd olunmur.

Xatırladaq ki, avqustda İŞİD-çilər İraqın Nineviya əyalətində 500 qadın və qızı əsir götürmüşdülər.

Rəşid Mustafazadə

Ölkə.Az