ŞOK! Yaşyarımlıq körpəyə ağlasığmaz işgəncə verdilər

Evdə tək başına buraxılan körpənin ağlamaq səsini eşidən qonşuların çağırdığı nənə, qapını sındırıb girdiyi evdə dəhşətli mənzərə ilə qarşılaşıb. Üzü, barmaqlarının araları, hətta cinsiyyət orqanının ucunda siqaret söndürülən nəvəsinin biləkləri iplə bağlanmışdı. İplər o qədər bərk bağlanmışdı ki, körpənin biləkləri kəsilərək qan axırdı.

Türkiyə mətbuatında bu girişlə yazılan xəbər oxuyanları dəhşətə gətirib. 

9 dekabrda İstanbulda yaşanan bu dəhşətin yaşanmasında əsas səbəkarlar, ata və ana evdə olmadıqlarını və heç bir şeydən xəbərdar olmadıqlarını bildiriblər. Nənənin çağırdığı polisin telefonla evə çağırdığı ana gecə 02:30 - 03.00 radələrində uşaqlarını yatıraraq dostları ilə gəzməyə çıxdığını söyləyib. Ata isə gecə işlədiyindən olanlardan xəbərsiz olduğunu bildirib.
Məsuliyyətsiz valideynlər onlara qarşı açılan məhkəmədə "Biz etmədik" deyərək özlərini müdafiə ediblər. 

20 yaşlı Emel A. ilə 26 yaşlı Hüseyin A.’nın 1.5 yaşlı oğulları S.-nin qışqırtıları qonşuları yuxudan oyadıb. Uşağın çığırtılarının kəsmədiyini görən bina sakinləri qapını döysələr də, açan olmayıb. Narahat olan sakinlər yaxınlıqda yaşayan nənəni çağırırlar. Emelin anası Əminə Karakaş mənzilin qapısını qırdırıb evə daxil olur. Nəvələri 2.5 yaşlı S. ilə 1.5 yaşlı qardaşı evdə tək idilər. Ağlamaqdan huşunu itirmək üzrə olan körpəni sakitləşdirməyə çalışan Əminə Karakaş nəvəsinin bədəninin yaralar içində olduğunu görür.

Xəstəxanaya aparılan körpəni müayinə edən həkimlər onun üzündə, əl və ayaq barmaqlarının arasında, hətta cinsiyyət orqanının ucunda siqaret söndürüldüyünü, bağlanan iplərin biləklərini kəsərək qan axdığını, boğazında izlər olduğunu təsbit edirlər.

Həkimlər hadisə ilə bağlı polisləri məlumatlandırdıqdan sonra cinayət faktla bağlı aradırmaya başlayır. Təxirə salınmadan keçirilən məhkəmə ata və ananın uşaqlara yaxınlaşmasına qadağa qoyan qərar çıxarır. Müstəntiq ər və arvadın "özünü müdafiə etməh iqtidarında olmayan uşağa işgəncə vermək" maddəsilə cinayətə cəlb edilməsilə bağlı tələblə məhkəməyə müraciət edib. 

Cütlük məhkəmədə də heç bir etmədiklərini deyərək, işgəncə iddialarını rədd edib. 20 yaşlı ana, "Saat 02.30 - 03.00 radələrində uşaqlarımı yatırıb iki dostumla Fındıklıda bir çay evinə getdim. 3 saat sonra evə gəldiyimdə uşaqlarımı görmədim. Qonşum anamın uşaqları xəstəxanaya apardığını xəbər verdi. Mən uşaqlarıma heç nə etmədim"- deyərək özünü müdafiə etdi. 
İşdə olduğunu bildirən 26 yaşlı Hüseyn isə hadisədən qaynanasının telefon zəngilə xəbər tutduğunu söyləyib: “Qaynanam uşağa nə olduğunu soruşdu. Bir şey bilmədiyimi dedim. Xəstəxanada olduqlarını öyrənincə ora getdim. Mən işə gedərkən uşaqlarımda heç bir xəsarət yox idi. Kimin etdiyini də bilmirəm".

Hakimin “Hansınız siqaret çəkirsiz?" sualına isə Hüseyn cavab verdi: "Mən çəkirəm, amma arvadım arada-bir içir". (anspress)

Ölkə.Az