Suriyada rus jurnalistlər və hərbçilər yaralandılar
Suriyada Rusiyanın hərbçiləri və jurnalistləri yaralanıblar.
“Ölkə.Az” xəbər verir ki, bu barədə Rusiyanın Müdafiə Nazirliyi məlumat yayıb Verilən məlumata görə, “Zvezda” və “NTV” telekanallarının 4 jurnalisti Suriyada xəsarət alıb. Bundan başqa, döyüşlər zamanı 5 hərbçi yaralanıb. Hadisə Deyr ez-Zorda baş verib.
“NTV” telekanalından bildiriblər ki, əməkdaşlarının yaralanması məlumatı doğrudur: “Əməkdaşlarımızın vəziyyəti barədə mütəmadi olaraq məlumat alırıq. Onların sağlam şəkildə qayıtması üçün əlimizdən gələni edirik”, - deyə kanal rəhbərliyi bildirib.
Qeyd edək ki, döyüş zamanı yaralanan jurnalistlər və hərbçilər xəstəxanaya yerləşdiriliblər. Həkimlərin sözlərinə görə, onların həyatı üçün təhlükə yoxdur.
Ziya Səccad
Ölkə.Az