"Amnesty International" Kremli Çeçenistandakı özbaşınalığı durdurmağa çağırdı

Beynəlxalq hüquq-müdafiə təşkilatları olan "Amnesty" və HRW Rusiyanı Çeçenistanda baş verənlərlərə dərhal müdaxilə etməyə çağırıblar.

Ölkə.az təşkilatların rəsmi saytlarına istinadən xəbər verir ki, Çeçenistanda hüquq müdafiəçilərinin həbsi və təqib olunması dünya ictimaiyyəti tərəfindən narahatlıqla qarşılanıb. Təşkilatlar Rusiya rəhbərliyini Ramzan Kadırovun özbaşınalığına son qoymağa çağırıblar.

Xatırladırıq ki, 13 dekabr tarixində Qroznıda "İşgəncələr əleyhinə komitənin" ofisi yandılırılıb. Ramzan Kadırovun əmri ilə ofisin rəhbəri İqor Kalyapin təzyiqlərə qalıb. BBC-nin məlumatına görə, Kadırov komitənin Çeçenistandan çıxarılmasına qərar verib.

"Human Rights Watch" təşkilatının Mosvka ofisinin rəhbəri Tatyana Lokşinanın məlumatına görə isə, hüquq müdafiəçilərinə Çeçenistan ərazisində sərbəst hərəkət etmək imkanı verilmir. Onların avtomobilləri izlənilir və yaşadıqları evlərin ətrafından maskalı silahlı şəxslər dolaşır.

Ölkə.az