ABŞ konsulluğu evakuasiya edildi

ABŞ-ın Sidneydəki konsulluğu evakuasiya edilib.

Ölkə.az "RİA Novosti"yə istinadən xəbər verir ki, ABŞ-ın Avstraliyanın Sidney şəhərindəki konsulluğu evakuasiya edilub.

Dövlət Departamentinin sözçüsü Cen Psaki Sidneydəki kafelərdən birinin zəbt edilməsi ilə əlaqədar təhlükəsizlik məqsədi ilə oradakı konsulluğun evakuasiyasına qərar verdiklərini bildirib.

Xatırladırıq ki, bu gün səhər tezdən naməlum silahlı şəxs Sidney kafelərindən birinə soxularaq 40 nəfərdən çox adamı girov götürüb. Hadisənin baş verdiyi kafe Avstraliyanın mərkəzi bankının yaxınlığında yerləşir. Silahlı şəxsin kafenin vitrinindən üzərində ərəbcə sözlər yazılmış bayraq asdığı qeyd olunur.

Hazırda hakimiyyət orqanları həmin şəxslə əlaqə yaratmağa çalışırlar.

Ölkə.az